22 наурыз – табиғат оянып, жаңа өмір басталатын уақыт. Бұл күн достық, келісім және үйлесім мерекесі.

Бүгін біз: Өткенді еске алып, жаңаны қарсы аламыз

Достық пен сыйластықты бағалаймыз

Жаңа бастамаларға дайын боламыз

Наурыз құтты болсын!

Бүгін — ата - бабамыздан мирас болған ұлттық құндылықтарымызды дәріптейтін ерекше күн. Ұлттық киім — халқымыздың тарихы, мәдениеті мен рухының айнасы. Әрбір ою-өрнек, әрбір нақыш терең мағына мен тағылымға толы.

Қазақтың шапаны мен камзолы, сәукелесі мен тақиясы — тек сән үшін емес, ұлттың болмысын айшықтайтын асыл мұра. Бүгін сол мұраны мақтан тұтып, ұлттық киім киіп, тамырымызды ұмытпай, дәстүрімізді жаңғыртайық!

Ұлттық киім — ұлттың жаны.

Өткенімізді құрметтеп, болашағымызды бірге қалыптастырайық!

18 Наурыз — халқымыздың бай мәдениетін, ерекше сәнін және рухани құндылықтарын дәріптейтін күн. Қазақтың ұлттық киімі — ғасырлар бойы қалыптасқан өнер мен талғамның көрінісі.

Бүгін ұлттық нақыштағы киім киіп, өзіміздің кім екенімізді, қайдан шыққанымызды тағы бір еске түсірейік. Бұл — мақтаныш, бұл — құрмет, бұл — бірлік!

Ұлттық киіміміз — біздің брендіміз!